Pandemia/ Gjashtë anëtarë të fushatës së Trump të infektuar

Të paktën gjashtë anëtarë të ekipit të fushatës së Presidentit Donald Trump, rezultojnë pozitiv me virus. Lajmi konfirmohet nga zyra e presidentit ku shpjegohet se gjashtë anëtarë të ekipit të tij, kishin rezultuar pozitiv përpara tubimit në Oklahoma.

Midis të tjerave, zyrtarët thanë se individët e prekur u karantinuan menjëherë dhe se çdo anëtar tjetër i cili pati kontakte me ta, do të mungojë në event. Lajmin e bëri me dije Tim Murtaugh, drejtor i Komunikimit në fushatën e Trumo.

“Asnjë person pozitiv me virus apo dikush që ka rënë në kontakt me ta, nuk do të marrë pjesë në event“, tha ai. Ai shtoi gjithashtu se testimet u janë bërë të gjithë anëtarëve të ekipit, sipas protokolleve të sigurisë.

Kujtojmë që Trump pritet të mbledhë mijëra mbështetës në Tusla, në një përpjekje për të rivitalizuar fushatën e tij, në mënyrë që të rizgjidhet president. Ky do jetë tubimi i tij i parë që pas mbylljes për shkak të pandemisë së koronavirusit.