Nuk ndalen shifrat e larta të rasteve të reja me COVID19 në Shqipëri.
E njëjta gjë është vënë re dhe sot, ku janë konfirmuar 69 të prekur për 24 orë nga 371 testime që janë kryer.
Gjithashtu sipas njoftimit zyrtar të Ministrisë së Shëndetësisë në komunikimin e përditshëm u bë me dije se në një ditë kanë ndërruar jetë 3 persona.
Bëhet fjalë për një 44-vjeçare nga Durrësi si edhe dy persona nga Tirana, njëri 79 vjeç dhe tjetri 85 vjeç.
Deri më tani numri total i viktimave nga koronavirusi në Shqipëri ka shkuar në 62 persona.
E rënduar është gjendja dhe në Spitalin Infektiv ku aktualisht po trajtohen 79 pacientë, 7 prej tyre janë në terapi intensive, ndërsa 3 janë të intubuar.
Në vendin tonë aktualisht janë 1 014 persona aktivë me COVID19, kryesisht në Tiranë, Shkodër, Durrës.
Shpërndarja gjeografike e rasteve aktive sipas qarqeve:
Tiranë 370
Durrës 212
Shkodër 156
Vlorë 106
Fier 49
Lezhë 43
Korçë 28
Kukës 18
Elbasan 13
Gjirokastër 7
Berat 6
Dibër 6
