Cakaj në Shtëpinë e Bardhë/ Takon Grenell dhe bën sqarimin për marrëveshjen e “fshehtë”

Ministri i Jashtëm Gent Cakaj ka zhvilluar një takim të palajmëruar në Shtëpinë e Bardhë, ku është takuar me Richard Grenell, të zgjedhurin e Donald Trump për dialogun mes Kosovës dhe Serbisë.

Cakaj ka shkuar si përfaqësues i palës shqiptare në dialogun Kosovë-Serbi, i cili u anulua nga kryeministri Avdullah Hoti.

Ministri sqaroi se nuk ka asnjë marrëveshje të fshehtë dhe as plane për shkëmbim territoresh.

Ndërkohë, Cakaj nuk sqaron qëllimin kryesor të vizitës në SHBA.

Deklarata e Cakaj:

Sot në Shtëpinë e Bardhë në Uashington patëm një takim të shkëlqyer me Ambasadorin Richard Grenell.

Biseduam për rëndësinë e një marrëveshje të qëndrueshme mes Republikës së Kosovës e Serbisë dhe nxitjes së zhvillimit ekonomik në Ballkanin Perëndimor në përgjithësi.

Për sqarim: S’ka marrëveshje të fshehtë, as plane për ndarje të republikës së Kosovës, as shkëmbime territoriale, as nxitim për ndonjë marrëveshje të dëmshme, veç përpjekje për të nxitur zhvillimin ekonomik e forcuar popullin e republikës së kosovës ndërkombëtarisht me mbështetjen e Shteteve të Bashkuara të Amerikës!

Pavarësisht sfidave, Shqipëria do të vazhdojë mbështetjen e pakursyer për Republikën e Kosovës!

ZOTI I BEKOFTË SHTETET E BASHKUARA TË AMERIKËS