Ditën e sotme kanë zbarkuar forca të shumta policie në Tropojë dhe në fshatrat përreth. Mësohet se qyteti është blinduar i gjithi dhe po zhvillohet një aksion blic anti-drogë.
Përveç policisë kanë zbarkuar edhe efektivët e FNSH-së.
Bëhet me dije se janë duke ushtruar kontroll në banesa, fshatra dhe në çdo vend ku mund të zbulohen parcelat me kanabis.
Ende nuk ka informacion për ndonjë person të arrestuar, por dyshohet se në kërkim mund të jetë ndonjë i shumëkërkuar, i cili është i fshehur në këtë zonë.