Data 1 korrik pritet të jetë data kur Italia do të hapë lëvizjen e qytetarëve me tragete drejt Shqipërisë. Drejtori i Drejtorisë së Përgjithshme Detare, Pavlin Ndreu tha se data 1 do jetë data që do rinisin lundrimin tragetet e bllokuar që prej marsit.
Ndreu konfirmoi për Ora News se në datën 15 qershor pritet të merret vendimi përfundimtar.
Deklarata e Pavlin Ndreut:
Shpresojmë shumë që të paktën data 1 korrik të jetë data përfundimtare e lëvizjes. Ne mendojmë që data 15 qershor do të ketë vendimin, por 1 korriku do të jetë data e fundit që do të vendoset lëvizja. Porti shqiptar është gati me të gjitha protokollet e sigurisë të përcaktuara ndërkombëtarisht, përgatitur dhe miratuar nga institucionet kompetente. Ky protokoll i ka të gjitha masat për rastet e fillimit të linjave ndërkombëtare, që nga distancimi, imbarkimi i pasagjerëve, ndarja e tyre, kapacitetet do të jenë të zbritura 70%.”.
