Bashkëshortja e presidentit ukrainas pozitive ndaj COVID-19: I kemi zbatuar të gjitha rregullat

Presidenti ukrainas Volodomyr Zelenskiy ka njoftuar se bashkëshortja e tij ka rezultuar pozitive me koronavirus dhe se ai do të anullojë takimet dhe udhëtimet për një periudhë të caktuar.

Vetë presidenti ka rezultuar negative, por ai do të vazhdojë testimin ditor dhe kontrollet e tjera mjekësore.

Bashkëshortja e presidentit, Olena Zelenska njoftoi përmes Facebook se rezultati i zuri në befasi.

“Sot, mora rezultat pozitiv të testit për koronavirus. Lajm i papritur, sidomos duke konsideruar se familja ime dhe unë kemi zbatuar të gjitha rregullat”, tha ajo.