Banesa përfshihet nga flakët/ Familjarët dalin jashtë, e moshuara në gjumë

Një banesë është përfshirë e gjitha nga flakët, mbrëmjen e sotme në një fshat të Bashkisë Prrenjas.

Sipas burimeve zyrtare, ngjarja ka ndodhur në fshatin Rrajcë Fushë, njësia administrative Rrajcë.

Zjarri është shkaktuar si pasojë e luhatjes së energjisë elektrike dhe e gjithë banesa e kryefamiljarit Xhevat Çuku është përfshirë nga flakët. Luhatja e tensionit është konstatuar nga familjarët, por ata nuk e mendonin se kjo do të ishte fatale për shtëpinë e tyre.

Flakët fillimisht janë shfaqur në koridor dhe më pas në gjithë shtëpinë. Familjarët të alarmuar kanë dalë nga banesa, me përjashtim të gjyshes e cila ndodhej në gjumë.

Fatmirësisht e moshuara është nxjerrë pa pasoja për jetën, ndërkohë zjarrfikësit kanë mundur të izolojnë flakët dhe zjarrin që vuri në rrezik edhe një banesë aty pranë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern