Arrestohet i riu i dyshuar për vrasjen e Hekuran Billës, 22-vjeçari është nipi i …

Është arrestuar mbrëmjen e sotme i riu që mendohet se ka vrarë 40-vjeçarin Hekuran Billa, më 11 qershor, në Komunën e Parisit në Tiranë.

I arrestuari është identifikuar si Sebastian Mali, 22 vjeç, me banim në Tiranë.

Bëhet e ditur se Mali është nipi i Prel Markut, i cili u vra nga Hekuran Billa në Angli, në tetor të vitit 2006, për të cilën u dënua me burgim të përjetshëm. Gjykata britanike e konvertoi dënimin me 25 vite sipas legjislacionit shqiptar.

Dyshohet se bashkëpunëtori në vrasje e ka ndjekur viktimën dhe i ka lajmëruar atentatorët për lëvizjen.

Ndërkohë, në kërkim është shpallur Viktor Marku, vëllai i viktimës.

“Ndalimi i këtij shtetasi u bë pasi, në datën 11.06.2020, rreth orës 21:50, në rrugën ”Prokop Mima” Tiranë, ka bashkëpunuar në vrasjen me armë zjarri të shtetasit H. B. Shtetasi Sebastiano Mali. është nipi i shtetasit Prel Marku, i cili është vrarë në vitin 2006, në Angli, nga shtetasi Hekuran Billa”, tha policia.