LIGJET E BIZNESIT
Përfundon me sukses operacioni policer i koduar “Kurbneshi”.
Policia e Lezhës ka vënë në pranga 44-vjeçarin, i cili ishte në kërkim prej një viti e gjysmë, për disa vepra penale.
Gjithashtu, blutë e Lezhës kanë gjetur edhe fëmijën 8-vjeçar, të cilin e kishrtë marrë i ati, në kundërshtim me vendimin e Gjykatës.
I mituri ishte në gjendje të mirë shëndetësore dhe për momentin po trajtohet nga një psikolog.
Sipas raportimeve të policisë, shtetasi 44-vjeçar kishte ushtruar dhunë fizike dhe psikologjike ndaj bashkëshortes së tij, shtetases L.B., dhe më pas kishte marrë djalin e tyre të mitur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pas 72 orë kërkime në fshat dhe në pyllin e Kurbneshit është bërë e mundur prangosja e shtetasit A.B., pasi Gjykata e Shkallës së Parë Lezhë i kishte caktuar masën e sigurisë “Arrest me Burg” për veprat penale “Dhuna në familje”, “Pengime për ekzekutimin e vendimeve të gGjykatës” dhe “Veprime në kundërshtim me vendimin e Gjykatës”.
Njoftimi i policisë:
Mirditë, Lezhë
Finalizohet operacioni policor “Kurbneshi”, për kapjen e një personi të shpallur në kërkim.
Policia lokalizon dhe vë në pranga 44-vjeçarin, i cili prej një viti e gjysmë ishte shpallur në kërkim për disa vepra penale.
Gjendet dhe fëmija i mitur 8-vjeçar, të cilin e kishte marrë i ati 44-vjeçar, në kundërshtim me vendimin e Gjykatës, i cili është në gjendje të mirë shëndetësore dhe për momentin po trajtohet me psikolog në DVP Lezhë.
Strukturat policore të DVP Lezhë dhe shërbimet e Komisariatit Mirditë, pas shumë kontrollesh të zhvilluara për gati një vit e gjysmë, bazuar edhe në informacionet e marra në rrugë operative bënë të lokalizimin e shtetasit të shpallur në kërkim.
Mbi bazën e këtyre informacioneve u organizua dhe u finalizua operacioni policor “Kurbneshi”, në kuadër të të cilit pas rreth 72 orësh kërkime në fshat dhe në pyllin e Kurbneshit, u bë e mundur gjetja dhe prangosja e shtetasit A. B., i shpallur në kërkim, pasi Gjykata e Shkallës së Parë Lezhë, me vendimin nr. 4, datë 05.01.2019, i ka caktuar masën e sigurisë “Arrest më burg”, për veprat penale “Dhuna në familje”, “Pengime për ekzekutimin e vendimeve të gGjykatës” dhe “Veprime në kundërshtim me vendimin e Gjykatës”.
Ky shtetas, pasi kishte ushtruar dhunë fizike dhe psikologjike ndaj bashkëshortes L. B., kishte marrë dhe djalin e tyre të mitur, në kundërshtim me vendim e Gjykatës.
Prej nëntorit të vitit 2018, Policia e Qarkut Lezhë ka vazhduar punën në mënyrë të pandërprerë për lokalizimin, kapjen dhe vendosjen para përgjegjësisë ligjore të shtetasit A. B. Përveç veprimeve procedurale, forcat policore, që nga data kur është shpallur në kërkim, në mënyrë të pandërprerë kanë vlerësuar me prioritet çdo informacion që jepej për vendndodhjen e tij, duke ushtruar kontrolle, por pa arritur të gjendej personi i kërkuar.
Materialet shtesë në ngarkim të shtetasit A. B., do t’i kalojnë Prokurorisë së Rrethit Gjyqësor Kurbin, për veprime të mëtejshme.
