Aleanca për Mbrojtjen e Teatrit vijon betejën ligjore për të vënë para drejtësisëtë gjithë personat që morën vendimin për shembjen e Teatrit Kombëtar. Aleanca i dorëzoi Prokurorisë së Tiranës kallzim penal ndaj anëtarëve të Këshillit Bashkiak dhe Inspektoriatin e Mbrojtjes së Territorit.
Ata akuzohen për veprat penale, si: “Shpërdorim Detyre”, “Shkatërrimit të pronës”, “Shkatërrimi i veprave kulturore”.
Avokati Adriatik Lapaj u shpreh se Këshilltarët Bashkiakë nuk kanë të drejta ligjore të marrin vendime për shembjen e Teatrit, pasi është pronë publike.
“Rezulton që Teatri Kombëtar ka qenë detyrë e KKT-së për tu shprehur për miratimin e lejes së prishjes dhe lejes së ndërtimit. Të gjitha vendimmarrjet e mëpasshme pasohen nga shkeljet, të cilat janë shkelje zinxhir”, tha avokati Adriatik Lapaj.
Deri më tani, AMT-ja ka depozituar 5 kallzime penale në Prokurori, 3 prej tyre në SPAK.
Përfaqësues të Aleancës thanë se aty janë shkatërruar, rekuizitat dhe kostumet që kishin vlerë kulturore.
