Ditën e sotme Policia e Shtetit ka vënë në pranga 27-vjecar, të akuzuar për plagosjen që ndodhi në Bulqizë disa ditë më parë.
Në njoftimin zyrtar të uniformave blub ëhet me dije se i arrestuari është shtetasi me iniciale A.T., 27 vjeç.
Gjithashtu i riu akuzohet se ka kërcënuar për gjobëvënie ndaj biznesmenit të ndërtimit Gëzim Balla.
policia e Bulqizës në bashkëpunim me specialistët për Hetimin e Krimit në Drejtorinë Vendore të Policisë Dibër, bazuar në informacionet e marra në rrugë operative, organizuan dhe finalizuan operacionin policor të koduar “Vajkal”, në kuadër të të cilit u bë e mundur kapja dhe vënia në pranga e shtetasit: A.T., 27 vjeç, banues në fshatin Vajkal, Bulqizë.
Për këtë shtetas, Gjykata e Shkallës së Parë Dibër, në qershor 2019, ka caktuar masën e sigurisë “Arrest në burg” në mungesë, për veprat penale “Vrasja me paramendim, mbetur në tentativë” e kryer në bashkëpunim dhe “Armëmbajtja pa leje”.
Më datë 16 Qershor 2019, në vendin e quajtur “Unaza e Re” Bulqizë, në bashkëpunim me vëllanë e tij M. T., i cili është arrestuar pas ngjarjes, ka qëlluar me armë zjarri, për motive të dobëta, në drejtim të shtetasit B.D. i cili mbeti i plagosur në dorë, jashtë rrezikut për jetën.
Gjithashtu, ky shtetas dyshohet se është bashkautor i ngjarjes së ndodhur më datë 19 Qershor 2020, në qytetin e Bulqizës, ku në bashkëpunim me shtetasin F. Sh., kanë kërcënuar për gjobëvënie një biznesmen, si dhe kanë qëlluar me armë zjarri në ajër në momentin që kanë konstatuar se po ndiqeshin nga Policia.
Akuzat
Operacioni vijon për kapjen e shtetasit F.Sh., për gjobëvënie dhe armëmbajtje pa leje, njofton policia, që ka ngritur ndaj 27-vjeçarit të arrestuar akuzat për verat penale “Vrasja me paramendim e mbetur në tentativë” , e kryer në bashkëpunim dhe “Armëmbajtja pa leje”.