LIGJET E BIZNESIT
Pas akuzave të rënda që u ngritën për Presidentin e Kosovës Hashim Thaci dhe kreun e PDK Kadri Veseli, ka ardhur dhe reagimi i kryeministrit Edi Rama.
Akuzën e Prokurorisë Speciale për krime lufte kundër dy drejtuesve të Ushtrisë Çlirimtare të Kosovës, kreu i qeverisë e cilëson si një fletë-rrufe.
Rama thekson se teksti i publikuar mbrëmë është indinjues dhe jo aktakuza, por vetëm një prelud i pakuptuesshëm, në aspektin juridik dhe të procedurës.
“Duke vendosur jetën në pikëpyetje, Kosova e pavarur ishte herezi kombëtare. Fjala dyshim kthehet në eufemizëm. Drejtësia është drejtësi, të jemi të qartë. As kërkimi i saj i saj nga një strukturë e miratuar me vullnetin e Kuvendit të Kosovës që ngre pikëpyetje të mëdha. Është lexim i tekstit të shpërndarë në mbarë botën për të lajmëruar një proces ndaj dy figurave kryesore të luftës dhe të paqes në Kosovës.
Një tekst i shkruar edhe sikur mos të ketë zhvillim të mëtejshëm, për ne që e kemi jetuar atë kohë i ngjan një fletërrufeje, ku fryma diskredituese prezumon pafajsinë. Për shpejtësinë e vrapimit të lajmeve, një njoftim që nuk hidhet në baltë marramendëse thjesht mbi Hashim Thaçin e mbi Kadri Veselin, por mbi Kosovën dhe krejt Shqiptarinë. Parafytyroni dikë që nuk di detaje dhe nuk ka as ide të padrejtësisë historike dhe tragjedinë e populiit tonë në Kosovë, duke lexuar tekstin e mbrëmshëm.
Krijohet preceptimi i një vendi që falë krimeve ndaj njerëzimit u instalua një regjim kriminal, në atë tekst duket sikur lexon për atdheun e agresorëve. Ai tekst indinjues që nuk është aktakuza, por vetëm një prelud i pakuptuesshëm, në aspektin juridik dhe të procedurës. Një prelud mediatik i një procesi që më pas vijon por ngre një varg pikëpyetjesh.”, deklaroi kryeministri gjatë fjalës së tij në Kuvend.
