Adriana tregon tmerrin që ka përjetuar në jetimore: Vajzat më të mëdha ishin tutore…

Adriana tregoi që është rritur në shtëpinë e jetimores në Shkodër. Që në moshën 12-vjeçare, ajo tregoi që roja i jetimores  për një kohë të gjatë kishte abuzuar seksualisht me të.

Në emisionin “Dua të të bëj të lumtur”, Adriana rrëfeu se të gjitha vajzat në këtë jetimore abuzoheshin seksualisht. Sipas rrëfimit të Adrianës, në jetimore nuk ishte vetëm roja që ushtronte dhunë seksuale e fizike, por edhe mësuesit e kujdestarët.

Vajzat më të mëdha se Adriana ishin shndërruar në tutore duke i detyruar të tjerat që të kryenin marrëdhënie seksuale kundrejt pagesës. “Ato fusnin njerëz në konvikt dhe nëse nuk bëja shumën ditore të caktuar më rrihnin, më linin të flija nëpër korridore!”.- ishte rrëfimi shokues i Adrianës.

Gjatë rrëfimit të Adrianës u zbulua se ajo nuk kishte duruar më gjendjen në të cilën ndodhej dhe kishte shkuar të denonconte në vitin 2015 përdhunimin që i ishte bërë, por fatkeqësisht polici që e kishte pritur kishte abuzuar seksualisht me të.