A rrezikojmë të mbyllemi sërish pas shtimit të rasteve? Ja si përgjigjet kreu i Urgjencës Brataj

Me shtimin ndjeshëm të rasteve të reja me koronavirus në Shqipëri, një pyetje që po shqetëson të gjithë është nëse do të rikthehet karantina e do të mbyllemi sërish.

Në lidhje me këtë ka folur edhe kreu i Urgjencës Kombëtare Skënder Brataj.

Ai ka theksuar se pavarësisht shtimit të rasteve të reja të prekur me COVID19, nuk planifikohet një rimbyllje e vendit.

Në një intervistë për A2 CNN, Brataj tha se plani i masave do të vazhdojë siç ishte planifikuar, por njerëzit duhet të ndërgjegjëesohen.

“Nuk flasim për mbyllje, plani i masave do të vazhdojë sipas planifikimit, por është momenti që njerëzit të ndërgjegjësohen. Ne po tërheqim vëmendjen që njerëzit të respektojnë rregullat.”-tha Brataj.

“Ne jemi ende në valë të parë. Në histori kanë ndodhur 10 pandemi. Sjellja e tyra ka qënë një valë me ulje dhe ngritje graduale. Gripi spanjoll ka qënë më i fuqishëm dhe zgjati gati dy vite. Ne duhet të bashkëjetojmë, njerëzit duhet të mësohen të përshtaten. Jemi të detyruar, po nuk respektuam virusin ai nuk na respekton”, u shpreh Skënder Brataj ndër të tjera.