LIGJET E BIZNESIT
Në Shqipëri ka shkuar në 88 numri i fëmijëve që janë infektuar nga koronavirus, që prej fillimit të pandemisë.
Mjekja Gjeorgjina Kuli ishte ajo që bëri të ditur lajmin dhe shprehet se asnjë prej fëmijëve nuk është shtruar në spital dhe pjesa më e madhe e tyre ka qenë asimptomatikë.
“Në momentin që flasim kemi 88 fëmijë të infektuar. Të gjithë fëmijët janë infektuar nga kontaktet e familjarëve. Pjesa më e madhe e tyre janë asimptomatikë ose me simptoma të lehta. Asnjë prej tyre nuk është i hospitalizuar”, tha mjekja.
E ftuar në ABC Neës, Kule foli edhe për infektimin e pacientëve nga personeli mjekësor.
Mjekja u shpreh se ambientet e shërbimeve shëndetësore janë vendet ku më së shumti qarkullon infeksioni dhe infektimi mund të ndodhë edhe për shkak të neglizhencës dhe mosrespektimit të protokolleve shëndetësore.
“Duke qenë se është një virus i panjohur, mjekësia stepet dhe ka një dualitet për procedura të caktuara. Si anëtare e komitetit dua të theksoj se komiteti merr vendime vetëm në përputhje dhe direktivat e OBSH. Në komitet nuk është diskutuar rikthimi i karantinës apo i mbylljes. Kjo rritje është reale dhe e pritshme kur ke një 97 % të bizneseve të cilat janë të hapura. Mjafton një dalje në rrugë dhe kutin se çfarë intensiteti të kontakteve kemi. Numri i hospitalizimeve është i kontrolluar qoftë edhe numri i pacientëve në terapi intensive. Për sa i përket stafit mjekësor infektimi nga koronavirusi, QSUT ka 53 shërbime, në këto shërbime janë kapur disa raste, sigurisht nuk është e falshme, sepse duhet të merren masa mbrojtëse. Çdo person që ne vizitojmë duhet ta konsiderojmë si potencialisht të rrezikshëm. Ka pasur edhe neglizhenca”, tha ndër të tjera Kule.
