Vrasja e dy vëllezërve në Durrës/ Flet një nga autorët: Vjedhim makina, Viktorin e vramë për të mos lënë dëshmitar

Vijon zbardhja e detajeve të reja në lidhje me ekzekutimin mafioz të dy vëllezërve Besmir dhe Viktor Haxhia në Durrës mbasditen e 29 prillit.

Ndërkohë ka folur njëri prej autorëve përpara grupit hetimor.

Klevis Alla ka deklaruar se nuk ka patur konflikte me Viktor Haxhinë, por e ka qëlluar për të mos lënë dëshmitar.

Ndërsa vëllai tjetër Besmiri sipas tij është ekzekutuar pasi kishin një konflikt në lidhje me modifikimin e një makine të vjedhur.

“Ne jemi një grup që merremi me vjedhje makinash dhe i dërgonim për t’i modifikuar tek servisi i Dorjan Shkozës dhe vëllezërve Haxhia. Me Besmirin jemi prishur për një konflikt që patëm për një makinë. Besmiri nuk na i dha paratë e një makine siç kishim rënë dakord. I kërkuam paratë por Besmiri nuk na i dha. Me Viktorin nuk kemi patur probleme, por qëlluam për të mos lënë dëshmitarë”, u shpreh Alla përpara policisë gjatë dëshmisë së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern