LIGJET E BIZNESIT
Duket se kryeministri Edi Rama është i vendosur deri në fund dhe nuk tërhiqet nga plani i qeverisë dhe Bashkisë së Tiranës për të shembur godinën e Teatrit Kombëtar, akt ky aq shumë i kundërshtuar nga shoqëria civile dhe artistët.
Në bashkëbisedimin që po zhvillon online me gazetarët, Rama është pyetur në lidhje me këtë temë dhe paralajmërimin që ka bërë presidenti Ilir Meta se do të bëjë një padi në Gjykatën Kushtetuese.
Kryeministri u përgjigj se secili ka të drejtë që të ketë opinionin e tij porn ë fund ajo që vendos ëshë shumica.
Kështu, në rastin konkret shumica është mazhoranca dhe Partia Socialiste, gjë kjo që do të thotë se shembja do të realizohet dhe nuk ka asnjë tërheqje mbrapa nga ana e tyre.
“Është një proces për të cilin jam shprehur. Ajo godinë duhet shembur dhe Shqipëria duhet të ketë një teatër të ri kombëtar të denjë për këtë emër. Mezi pres të shoh teatrin e ri kombëtar. Të gjithë kanë të drejtë të kenë opinionet e tyre por në fund vendos shumica. Ne jemi shumica dhe e kemi marrë këtë vendim. nuk shoh sesi pakica mund të imponohet në vendimmarje”, deklaroi Rama gjatë fjalës së tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
