LIGJET E BIZNESIT
Kryetari i Bashkisë së Tiranës, Erion Veliaj në një postim në Facebook njofton zyrtarisht mbledhjen e Këshillit Bashkiak në lidhje me planet e Teatrit. Mbledhja do të zhvillohet ditën e hënë në oran 11:00.
Në videon e postuar në Facebook, Veliaj rendit listën e veprave të cilat sipas tij janë kundërshtuar me forcë nga njerëz dhe këto vepra kanë transformuar kryeqytetin këto 5 vite.
Midis të tjerave, Veliaj shprehet se kjo video duhet parë si një dëshmi, për të kuptuar çfarë po vendosim e pse kundërshtohet nga të njëjtët njerëz që kanë zgjedhur të bllokojnë çdo punë të mirë të Tiranës.
“Të hënën ora 11 do t’i prezantoj Kësh. Bashkiak planet për Teatrin e Ri. Por, kjo video DUHET parë si një dëshmi, për të kuptuar çfarë po vendosim e pse kundërshtohet nga të njëjtët njerëz që kanë zgjedhur të bllokojnë çdo punë të mirë të Tiranës! Ju pres të hënën! FORCA!”, shkruan Veliaj.
