Vari veten në tualetin e burgut/ Flasin familjarët e të dënuarit në Fier: Duam drejtësi, askush nuk na njoftoi

Një ngjarje e rëndë ndodhi ditën e djeshme në burgun e Fierit.

Bëhet fjalë për të dënuarin Bilbil Zekaj, i cili ka varur veten me çarçaf në tualetin e paraburgimit.

Pas kësaj kanë reaguar dhe familjarët e viktimës duke thënë se askush nuk i ka njoftuar për atë që ka ndodhur, as policia, por e kanë marrë vesh nga media.

Ata bëjnë thirrje për drejtësi.

“Nuk na njoftoi askush për ngjarjen. S’na njoftoi as policia dhe as burgu. Ngjarjen e morën vesh nga mediet. Ligji të jetë i barabartë për të gjithë. Kërkojmë të vendoset drejtësi”, janë shprehur së fundmi.

Bilbil Zekaj ishte i dënuar për trafik lëndësh narkotike.

Pas kryerjes së aktit të rëndë ai është pikasur nga policët roje,

Ata e kanë dërguar për në spital por për fat të keq i dënuari nuk ka mundur të mbijetojë.