‘Universi paralel’ i kryeministrit Rama, nxjerr videon nga Tirana sikur të mos kishte ndodhur asgjë

Kryeministri Rama duket se po bën çdo gjë që ka në dorë për të minimizuar sa më shumë efektin që mund të prodhojë shembja e teatrit kombëtar.

Në një postim në facebook Rama publikon një video nga një pjesë  e qendrës së Tiranës, ku duken qytetarë të pa shqetësuar, të cilët kanë dalë shëtitje këtë të dielë.

Me këtë video kreu i qeverisë kërkon të përcojë të ndjekësit e tij se nuk ka ndodhur asgjë, pas shembjes së teatrit dhe se qytetarët vijojnë jetën e tyre si normalisht.

Nga ajo që ka ndodhur në orët e para të mëngjesit dhe paraditës së sotme në Tiranë vështirë të besohet se pamjet janë të sotme, pasi më tepër ngjajnë me një Tiranë paralele, ku njëra proteston për shembjen në 4 të mengjësit të teatrit kombëtar dhe tjetra vijon jetën pa u shqetësuar aspak.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern