LIGJET E BIZNESIT
Nga foltorja e Kuvendit sot në seancën parlamentare deputetja e opozitës së re Rudina Hajdari ka mbajtur një fjalim me tone të forrta.
Pak pasi grupi parlamentar demokrat vendosi ta shkarkojë nga posti i kryetares dhe në vend të saj të emërojë Myslym Murrizin, ajo ka akuzuar palët politike se janë të lidhur nëpërmjet pazareve dhe ka thënë se vetë nuk do të bëhet kurre pjesë e tyre.
Në një moment deputetja është shprehur se ajo quhet Rudina Azem Hajdari dhe se qytetarët nuk duhet ta harrojnë kurrë këtë gjë.
“Ndryshimi i sistemit është kauza më me vlerë sot për sot. Do t’ju jap arsyet. 90% të ligjeve që kalojnë në këtë Kuvend. Skena politike sot është shndërruar me këta politikanë që pas vetes së tyre kanë biznesmenë.
Nuk bëhem kurrë pjesë e pazareve në këtë parlament. Politika është për të dhënë shpresë jo për pazare. Është për ti dhënë njerëzve sot që shqiptarët të jenë krenarë që janë shqiptarë.
Politika është ndryshe dhe ne sot duhet ta çojmë këtë gjë deri në fund. Duhet ta ndryshojmë sistemin zgjedhor.
Në këtë parlament duhet të vijnë njerëz që përfaqësojnë qytetarët dhe jo biznesmenin. Duhet të mbarojë kjo mënyrë e shpifur që i shkelim syrin njëri tjetrit bëjmë akuzat njëri tjetrit dhe në darkë ulemi për të marrë koncension.
Kurrë s’do jem mashtruese, sdo bëhem pjesë e këtij pazari. Por shqiptarët do të ngrenë sytë dhe do ta shohin se unë quhem Rudina Azem Hajdari dhe amaneti i tij do të shkojë deri në fund. Mos e harroni kurrë…”, theksoi deputetja Rudina Hajdari.
