Lorena Haxhiu nga sot nuk do të jetë më në postin e zv.ministres së Arsimit.
Edhe pse më herët ajo kishte dhënë dorëheqjen për shkak se babai i saj u arrestua si pjesë e një grupi që merrej me falsifikimin e dokumenteve amerikane, Haxhiu vetëm sot e ka marrë njoftimin zyrtar për shkarkim, pas firmosjes së dokumentit nga kryeministri Rama.
Kjo lëvizje për largimin e Haxhiut vjen edhe sepse ajo tashmë konsiderohet si një person në listën e zezë të Departamentit Amerikan të Shtetit.
Dyshohet se shkak për dorëheqjen është bërë përfshirja e babait të zv/ministres Haxhiu, Eduart Haxhiu, në grupin e strukturuar kriminal, që u shkatërrua para pak ditësh dhe që merrej me falsifikimin e vizave.
Pikërisht 52-vjeçari, Eduart Haxhiu, ka qenë një nga të arrestuarit, dhe pjesë e grupit që kalonte klandestinë me viza false drejt SHBA-ve, Kanadasë dhe Anglisë.
Ndërkohë vetë ish-zv.ministrja më herët ishte bërë e njohur edhe për një gafë të saj teksa në një takim me të rinjtë thoshtë “Studioni, pasi atë që do të korrni do të mbillni”.
