Ditën e sotme, Gjykata e Kukësit ka dhënë masën “Arrest me burg” për 16 të arresuarit për kultivim droge. Ndërsa, një tjetër të arrestuar i është dhënë mas “Arrest shtëpie”.
Kujtojmë që ditën e djeshme u vunë në pranga 19 persona në kuadër të operacionit “Shënmëri 2020”, ndrëkohë pritet të jepet masa edhe për 3 të tjerë.
Ndërkaq, Prokuroria e Kukësit ka zbërthyer grupin i cili merrej me mbjelljen dhe shpërndarjen e lëndëve narkotike, i cili u shkatërrua përmes një operacioni të gjerë në disa qytete të vendit.
Prokuroria dyshon se ishte Kreshnik Murataj nga Kukësi ai që organizonte grupin pasi gjatë përgjimeve është konstatuar se personat e tjerë konsultoheshin me të për veprimet mbi mbjelljen, rritjen e bimëve të kanabisit si edhe transportin e lëndës narkotike pas tharjes.
