Në komunikimin live, kryeministri Edi Rama ka folur edhe për transportin publik, ku tha se deri në fund të muajit do të hapet, por kjo gjë do të ndodhë pjesë-pjesë.
“Shumë shpejt do të publikojmë planin për rimëkëmbjen. Transporti publik do të hapet në fund të muajit pjesë-pjesë”-tha Rama.
Kryeministri bëri me dije se, java e ardhshme do jetë java e fundit me kufizim të orareve në të gjithë vendin, por shtoi se pavarësisht ditëve të javës, “dy fundjava pa makina do mbeten në fuqi”.
Gjithashtu Rama u shpreh se fundjava pa makina do të vijojë dhe për dy javë të tjera dhe më pas do të rikthehet sërish pas sezonit të verës si një mënyrë e re e jetesës.
“Fundjava pa makina do të mbetet në fuqi edhe dy të shtuna e të diela për tu rikthyer pas sezonit të verës ku çdo të Diel minimalisht nga tetori deri në marsin e ardhshëm, si një moment të përjavshëm si një moment duke iu kushtuar mjedisit, të moshuarve dhe fëmijëve e familjeve tona”, deklaroi kryeministri ndër të tjera.
