Tragjike/ Vdesin 2 notarët italianë, rrëzohet aeroplani

Një ngjarje tragjike ka ndodhur ditën e sotme në Itali.

Kanë humbur jetën tragjikisht, si pasojë e një defekti në aeroplanin e vogël ku po udhëtonin, dy notarët e rinj italianë, Fabio Lombini dhe Giole Roseti. Të dy ishin duke udhëtuar për qejf nga një pistë e një shkolle mësimore për në Netuno.

Sipas raportimeve të mediave italiane, 2 notarët profesionistë sapo kishin marrë patentën e aeroplanit që ishte në pronësi të Rosetit.

Aeroplani ishte i markës P92S.

Raportohet se pas defektit aeroplani ka rënë në tokë dhe ka shpërthyer duke i marrë jetën tragjikisht të rinjve, përkatësisht 22 dhe 23 vjeç.