Një ngjarje e rëndë raportohet të ketë ndodhur në qytetin e Vlorës. Duke iu referuar policisë së këtij qyteti, bëhet e ditur se një 57-vjeçar në lagjen “Hajro Çakërri”, dyshohet se ka djegur veten me lëndë djegëse. Policia njofton se ende nuk dihen motivet që e ka çuar 57-vjeçarin të ndërmarrë këtë akt tragjik për jetën.
Por duke iu referuar njoftimeve të syri.net, fëmiljarët e tij shprehen se i afërmi i tyre ka ndërruar jetë në Spitalin e Vlorës.
Ndërkohë që mjekët nuk e konfirmojnë si lajm, duke saktësuar se bëhet fjalë jo për një 30 vjeçar sikundër u raportua më herët por për një 56 vjeçar, të identifikuar si Nijat Hoxha.
Sikundër mësohet ngjarja e rëndë ka ndodhur pas një konflikti në familje.
Rreth orës 15:30, në lagjen “Hajro Çakërri” Vlorë, shtetasi N. H., 57 vjeç dyshohet se ka djegur veten me lëndë djegëse për motive ende të paqarta. I dëmtuari është dërguar në Spitalin Rajonal dhe ndodhet në gjendje të rëndë shëndetësore.
Grupi hetimor ndodhet në vendin e ngjarjes dhe po punon për sqarimin e rrethanave.
