Qyteti i Delvinës është zgjuar sot nga një ngjarje e rëndë. Një shpërthim tritoli ka hedhur në erë makinën e një biznesmeni me inicialet V.Z, e cila ishte e parkuar në qendër të këtij qyteti.
Mësohet se mjeti tip Mercedes GL zotërohej nga një biznesmen i njohur në qytetin e vogël jugor, i cili merret kryesisht më transport ndërkombëtar të mallrave dhe udhëtarëve.
Fatmirësisht nga shpërthimi nuk ka pasur të lënduar, por vetëm dëme materiale. Policia ndodhet në vendngjarje e për të zbardhur shkaqet të cilat nuk dihen ende.
