Në përgjithësi jemi mësuar që “të ruhemi” nga tensioni i lartë i gjakut njohur ndryshe si hipertensioni, por jo më pak i rrezikshëm shfaqet edhe presioni i ulët arterial, njohur thjesht si tensioni i ulët i gjakut ose hipotensioni. Humbja e gjakut, çrregullimet e tiroides, shtatzënia, infeksionet e ndryshme, reaksionet alergjike, anemia, mangësitë në ushqyerje mund të jenë disa nga shkaqet që çojnë në tensionin e ulët të gjakut. Tensioni i ulët gjatë shtatzënisë është më i shpeshtë gjatë tremujorit të tretë të saj, si pasojë e shtypjes që mitra i bën enëve të mëdha të gjakut në bark. Ai shoqërohet me vështirës në frymëmarrje si pasojë e veprimit të progesteronit dhe zvogëlimit të hapësirës së kafazit të kraharorit, nga shtyrja lart e diafragmës prej uterusit. Për fat të mirë, ju mund ta mbani nën kontroll nëse konsumoni ushqime të caktuara që ndihmojnë për të rivendosur tensionin e gjakut brenda vlerave normale.
Çokollata e zezë
Gratë që vuajnë nga tensioni i ulët i gjakut gjatë shtatzënisë duhet të konsumojnë në mënyrë të moderuar sasi të vogla të çokollatës së zezë. Çokollata e zezë përmban teobrominë, një përbërës ne veti antioksiduese që rrit në mënyrë natyrale presionin arterial dhe pëmirëson qarkullimin e gjakut.
Uji i kokosit
Në qoftë se ju ndodh të keni ulje të tensionit të gjakut në një moment të caktuar, pini menjëherë një gëllënjkë nga uji i kokosit. Kjo pije natyrale përmban nivele të lartë elektrolitesh, përbërës me veti antioksiduese që mbajnë nën kontroll presionin arterial.
Frutat e thata
Studimet e ndryshme kanë provuar që një grusht me fruta të thata në ditë (arra, bajame, stika, lajthi etj) ka një veprim të jashtëzakonshëm në organizë, duke parandaluar kolesterolin e lartë të gjakut dhe oksidimin e arterieve. Përmbajtja e lartë e kompleksit të vitaminës B dhe acidet yndyrore Omega-3 , i bëjnë frutat e thata ushqimin perfekt për t’u konsumuar nëse vuani nga tensioni i ulët i gjakut. Përbërësit e mësipërm rivendosin rrjedhën normale të gjakut dhe shërbejnë gjithashtu si një burim i mirë energjie.
Vezët
Vezët kanë në përmbajtjen e tyre, njëlloj si frutat e thata, nivele të larta të kompleksit të vitaminave B dhe aminoacide esenciale që rrisin në mënyrë natyrale tensionin e ulët të gjakut. Konsumi i vezëve balancon nivelet e elektroliteve në trup që mbajnë nën kontroll presionin arterial. Veza përmban po ashtu shumë proteina e ushqyes që rrisin nivelet e energjisë së trupit dhe parandalojnë të përzierat dhe humbjen e fuqisë fizike të shkaktuara nga çrregullimi i tensionit./Living/
