LIGJET E BIZNESIT
Sekretari i Përgjithshëm i PD Gazment Bardhi, shprehet se SPAK i la 3 javë kohë Ministrisë së Shëndetësisë për të drëzuar dokumentet për tenderat sekretë. Këto të fundit, u denoncuan nga Partia Demokratike.
Në një lidhje direkte në emisionin Opinion, Bardhi u shpreh se në 3 javë kohë që SPAK i la Ministrisë, u dogjën dokumentet.
“Nuk ka ndodhur asnjëherë ku të ketë një akuzë për korrupsion apo shpërdorim detyre që SPAK-u të ketë njoftuar ministrinë dhe të presi 3 javë që ministria të çojë dokumentat. Sepse nëse ka një hetim, i cili përfshin veprimin e shpejtë ne institucionin e drejtësisë është ai për shpërdorim detyre. Sepse nëse zyrtari që ka abuzuar me detyrën është akoma në zyrën e tij dhe ti i thua më sill dokumentat dhe i lë atij 3 javë kohë, sigurisht që ndodh ajo që ndodhi, i vihet zjarri dokuementave dhe mund të prishet prova. Ne kemi denoncuar në 18 Prill, SPAK-u ka njoftuar ministrinë t’i sjellë dokumentacionin në datën 22 Prill. Ministria ka dorëzuar dokumentacionin në datën 8 Maj. Tani shikojeni vetë hapësirën që i është lënë Ministrisë së Shëndetësisë për këtë operacion”, u shpreh Sekretari i Përgjithshëm i PD Gazment Bardhi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
