LIGJET E BIZNESIT
Presidenti Ilir Meta e ka nisur ditën sot me një thirrje të fortë drejtuar të gjithë shqiptarëve.
Teksa përkujton revoltën në burgun e Qafë Barit dhe Spaçit, nuk harron as kauzën e Teatrit Kombëtar dhe fton njerëzit ti bashkohen lëvizjes së krijuar së fundmi për rivendosjen e demokracisë me zgjedhje të lira dhe të ndershme.
“Maji është një muaj i veçantë, i përkujtimit të Revoltave kundër diktaturës më të egër që njohu Europa për gjysmë shekulli. Ndaj ne nderojmë me mirënjohje zemërluanët e Qafë Barit dhe të Spaçit, dy burgjeve më të tmerrshme, të cilët guxuan të ngrihen e të luftojnë për lirinë dhe të drejtat e tyre duke dhënë edhe jetën. Ata thyen mitin e paprekshmërisë të regjimit kriminal dhe treguan se nuk mund të ishte i përjetshëm.
Sot kur shohim ku ka rënë demokracia jonë, nderimi i vetëm që mund dhe duhet t’u bëjmë sakrificave të tyre është t’u bashkohemi lëvizjeve qytetare që po ngrihen në të gjithë vendin për të krijuar një FRONT TË BASHKUAR PËR RIVENDOSJEN E DEMOKRACISË përmes Zgjedhjeve të Lira e të Ndershme. Qëndresa për 27 muaj e artistëve është kauza më fisnike e këtyre dekadave dhe shembull frymëzimi për të gjithë ata të cilët kanë dinjitet dhe e meritojnë lirinë.
Nderim zemërluanëve të Spaçit dhe Qafë Barit të cilët tronditën diktaturën më të egër të Europës. Nderim zemërluanëve të Aleancës të Mbrojtjes të Teatrit, të cilët fituan admirimin e mbarë Europës për kauzen e tyre fisnike dhe i hoqën maskën e fundit regjimit të dhunës kriminale”, shkruan Presidenti teksa vijon mesazhin e tij me shkronja të mëdha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“TË GJITHË TË NGRIHEMI PËR DEMOKRACINË!
KUR NGRIHET POPULLI BIE TIRANIA!
LIRIA FITOHET DHE NUK DHUROHET! “, shkruan Meta në rrjetet sociale.
