Të gjithë mezi po presim të hapen, ja rregullat që do punohet në bare dhe restorante: Kamarierët me maska e doreza, klientët në distancë…

Duke filluar nga e hëna e ardhshme, me 18 maj, do të hapen baret dhe restorantet në vend.

Ndërkohë ka dalë dhe protokolli i sigurisë që klientëët dhe punonjësit e lokaleve duhet të zbatojnë për të frenuar përhapjen e COVID19.

Të gjitha rregullat janë publikuar në portalin E-Albania.

Aty thuhet se do të lejohen të hapen vetëm lokalet apo restorantet që kanë një ambjent të jashtëm, duke siguruar dhe distancën e tavolinave nga njëra-tjetra.

Përgjegjësi i lokalit duhet të jenë në monitorim të vazhdueshëm gjendjes shëndetësore të punonjësve të tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk do të lejohet në punë askush që ka një temperaturë mbi 37.5 gradë celsius.

Punonjësit duhet të jenë të pajisur me maska dhe doreza dhe duhet të mbajnë një largësi prej 1.5 metrash nga klienti.

Ky protokoll rekomandon që pagesat të kryhen vetëm me karta krediti për të evituar prekjen e lekëve.

Edhe për furnizuesit dhe shpërndarësit nëpër shtëpi duhet të jenë të pajisur me maska dhe doreza e dezinfektues.