Kreu i opozitës Lulzim Basha i ftuar në ‘Opinion’ komentoi takimin e tij me ambasadoren amberikane Yuri Kim.
I pyetur nga moderatori i emisioninit se çfarë diskutoi me ambasadoren amerikane dhe cili ishte kuptimi i deklaratave të saj se folëm për të ardhmen, Basha deklaroi se temë e diskutimit ishte dalja nga kriza dhe reforma zgjedhore.
Ai deklaroi se opozita do të japë kontributin e saj për të dalë nga kriza dhe për të çuar vendin përpara.
“Do të thotë të flasësh për zgjedhje të lira dhe të ndershme, do të thotë ti japësh fund kësaj krize. Shqipëria nuk mund të vazhdojë më kështu, shqipëria duhet të ecë përpara, që opozita dhe qeverisja e së ardhmes të japë kontributin e saj për të ecur përpara. Vedosmëria ime për të dalë nga kjo krizë është më e fortë se kurrë”, tha Basha./Opinion/
