Ambasadorja Kim ka bërë një tjetër thirrje të fortë për vijimin e Reformës në Drejtësi pavarësisht pengesave që janë paraqitur në këto 3 vitet e fundit.
Në dy postime të njëpasnjëshme në rrjetet sociale, Kim ka garantuar mbështetjen e plotë të saj dhe SHBA për vijimin me rigorozitet të procesit të vetingut, duke garantuar mbështetje për ata që po e bëjnë këtë gjë.
“Dhoma e Posaçme e Apelit ka një punë të vështirë, por vettingu duhet të vazhdojë të tregojë përgjegjshmëri dhe të fitojë besimin e popullit shqiptar. SHBA mbështet reformën në drejtësi. Le të vazhdojmë përpara, hap pas hapi, pa marrë parasysh pengesat!” shkruan ambasadorja Kim.
Ndërsa në një postim të mëparshëm, Kim ka publikuar foton me dy Komisionerët Publikë, ku thekson se ata janë të vendosur për të siguruar integritetin e vettingut duke apeluar vendime.
“Me Komisionerët Publikë të Shqipërisë më 21 maj. Ata janë të përkushtuar për të siguruar integritetin e vettingut duke apeluar vendime. Le ta vazhdojmë reformën në drejtësi duke ecur përpara, hap pas hapi!”
