“Sy i nxirë dhe vesh i çarë”, gazetarja publikon foton e të birit të përgjakur

Gazetarja Kozeta Zavalani ka reaguar në rrjetet sociale për dhunën që Policia ka ushtruar ndaj djalit të saj Mend Zavalani. Ajo ka qëndruar 9 orë në ankth pasi djalin e saj e kishin shoqëruar në komisariat so pjesëmarrës në tubime të paligjshme.

Pasi ia kanë liruar djalin, ai ka qenë me dëmtime në vesh, në sy, kokë e kudo në trup.
Ndër të tjera, zavalani shkruan se djali i saj u arrestua vetëm se donte të mbronte vlerat kombëtare, ndërsa dhuna e ushtruar ndaj zavalanit është brutale dhe e pajustifikueshme.

Deklarata e gazetares:

Kam kaluar orë të tmerrshme në ankth. Më në fund, pas 9 orësh, neodiktatura me maska, pasi e dhunuan pa paralajmërim, ne mënyrë të pajustifikueshme e kriminale tim bir, Mend Zavalani, që mban emrin e paraardhësit e patriotit Menduh Zavalani e liruan nga paraburgimi me dëmtime të rënda dhe detyrim paraqitjeje. Krimi: qendrimi në mbrojtje të Teatrit…Tani është I traumatizuar, me veshin e çarë, që ia qepën në spital, me hematoma në sy, kokë e kudo në trup, pasi ka qendruar 9 orë në paraburgim dhe u lirua me detyrim paraqitjeje si pjesëmarrës I tubimeve të paligjshme…arkitekti që nuk donte veçse të mbronte një vlerë kombëtare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern