S’ka tym të bardhë, drejt dështimit akordi për reformën zgjedhore

As sot nuk është mundur të gjendet një marrëveshje mes palëve për reformën zgjedhore.

Pas më shumë se 4 orëve diskutime në Pallatin e Kongreseve, PD dhe PS nuk e kanë gjetur gjuhën e përbashkët për disa pika të reformës.

Çështja e numërimit elektronik, duket se vijon t’i mbajë palët në pozicione shumë të largëta dhe nuk ka një akord.

Nga ana tjetër në mbyllje të mbledhjes, Oerd Bylykbashi nga PD theksoi se maxhoranca nuk ka pranuar asnjë propozim që ka paraqitur opozita në tryezë.