Situata nga koronavirusi/ Eksperti ka një këshillë për institucionet shqiptare: Ja çfarë duhet të bëni

Një nga temat më të diskutuara tashmë prej muajsh në Shqipëri dhe jo vetëm është padyshim pandemia e COVID19.

Të gjithë janë të shqetësuar nëse ky virus do të kthehet sërish në vjeshtë, pasi kjo gjë është diskutuar gjerësisht.

Ndërkohë eksperti i shëndetit publik, dr. Erion Dasho ka bërë një paralajmërim, duke i sugjeeruar autoriteteve në Shqipëri që të ndjekin shembullin e Gjermanisë, Suedisë, Anglisë etj, lidhur me përballimin  situatës pas covid-19, por edhe të përgatiten për një valë të dytë të mundshme në vjeshtë.

Ai shkruan se politikanët janë të detyruar dhe madje kanë përgjegjësi të shohin një pamje 360 gradë të panoramës dhe të marrin vendime që prekin jo vetëm shëndetësinë, por edhe ekonominë, jetën sociale, sigurinë, e më gjerë.

REAGIMI I PLOTE I MJEKUT ERION DASHO

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ekspertë dhe politikanë

Javët e para të COVID, publiku ndoqi me interes dhe vëmendje ekspertët të cilët (sipas mendimit tim) bënë një punë të mirë duke sqaruar popullatën mbi shumë aspekte të epidemisë dhe sidomos në edukimin për masat parandaluese dhe mbrojtëse.

Tani që COVID po merr “pushimet verore” (për t’u rikthyer në tetor-nëntor, besoj) po zhvillohet një miks politiko-teknik që po i ngatërron jo pak gjërat.

Politikanët janë të detyruar dhe madje kanë përgjegjësi të shohin një pamje 360 gradë të panoramës dhe të marrin vendime që prekin jo vetëm shëndetësinë, por edhe ekonominë, jetën sociale, sigurinë, e më gjerë.

Ekspertët duhet të shohin 10, 20 apo 30 grade, ama të shohin në thellësi apo largësi. Sa më e ngushtë fushëpamja, aq më larg sheh eksperti. Ai jep mendim mbi fushën e tij specifike, aty ku është “ekspert” me një fjalë, mundësisht duke eliminuar edhe “zhurmat” që vijnë nga jashtë.

Politikanët më pas marrin mendimet e ekspertëve dhe hartojnë masat apo politikat. Kështu funksionon bota dhe këto shembuj kemi parë në Gjermani, Angli, Suedi, etj. Kështu duhet të funksionojë edhe Shqipëria në se duam të bëjmë para, jo vetëm për të kontrolluar COVID-in, por në çdo fushë të mjeksisë…