Situata e tensionuar në vend/ Përfundon takimi i Metës me opozitën, zgjati një orë

Një takim mes presidentit Ilir Meta dhe opozitës së bashkuar ka nisur mëngjesin e sotëm.

Por mësohet se tashmë kjo mbledhje ka përfunduar pas rreth 60 minutash.

Takimi është thirrur nga vetë presidenti Meta në një kohë që situata mes opozitës dhe mazhorancës është e tensionuar kryesisht pas shembjes se godinës së Teatrit Kombëtar orët e para të mëngjesit të 17 majit.

Kujtojmë se ky takim vjen në një kohë që opozita ka bojkotuar mbledhjet e fundit për Reformën Zgjedhore në shenjë proteste për shembjen e Teatrit por edhe për faktin që sipas tyre mazhoranca nuk i ka marrë parasysh propozimet që ka bërë.