Gjaku i pretenduar se u përket personave të shëruar nga koronavirusi, po shitet në tregun e zi si një vaksinë e improvizuar.
Studiuesit kanë thënë që gjaku është vetëm një nga qindra “produktet” në shitje nga përfituesit që përpiqen të shfrytëzojnë pandeminë.
Në një raportim të Institutit Australian të Kriminologjisë, thuhet se një këto faqe në internet mund të arrihen shumë shpejt me disa kërkime të thjeshta, të cilat po përdoren nga grupet kriminale për tregtimin e artikujve të ndaluar, shkruan The Sun.
Vaksina dhe kura të rreme po shiten për rreth 15.000 euro secila, së bashku me mjete personale mbrojtëse si maska, doreza dhe kostume mbrojtëse.
Studiuesi Rod Broadhurst tha se nëse një gjak i tillë injektohet te dikush, ai rrezikohet të preket nga virusi.
Barnat e dizajnuara për sëmundje të tjera po shiten gjithashtu me pretendime të rreme se mund të luftojnë koronavirusin, siç është antimalariku hidroksilklorina dhe klorokuina.
Në një studim tjetër nga analistët “Ghost Data”, më shumë se 10.000 llogari në “Instagram”, shumë të lidhura me Kinën, u gjetën duke shitur produkte që pretendohet se luftojnë COVID-19./gazeta sot
