Shifra e lartë/ Sa i ka kushtuar buxhetit të shtetit koronavirusi? E zbulon ministrja Manastirliu

Një nga pyetjet e shtruara më shpesh përgjatë pandemisë së koronavirusit është dhe ajo se sa mund ti ketë kushtuar shtetit e gjithë kjo situatë.

Në lidhje me këtë ka folur ministrja e Shëndetësisë Ogerta Manastirliu duke zbuluar edhe shifrën.

E ftuar në programin “Real Story” Manastirliu u shpreh se deri tani fatura e luftës kundër koronavirusit, ka marrë plot 25 milionë euro nga buxheti i shtetit.

“Aktualisht rezultatet apo faturat financiare, shtesa dhe buxheti i 2.5 miliardë lekë apo 25 milionë euro. Është në përditësim e sipër, pra në plotësim sa i përket investimeve furnizimeve, por do vijojmë dhe me mbështetjen e BE si dhe me partnerët që bashkohen për të vijuar dhe luftuar koronavirusin. Ditët në vijim do të ketë dhe një rishikim të buxhetit. Duhet të kuptojmë diçka që vaksina do të zbulohet, ka një politikë ndërkombëtare sa i përket vaksinimeve. Qeveria shqiptare do jetë e angazhuar për të mbështetur vaksinën dhe patjetër do jetë në programin e vaksinimit.”, deklaroi Manastirliu.