Shembja e Teatrit, reagon për herë të parë Veliaj: Ishte vendim i vështirë

Kryetari i bashkisë Tiranë, Erion Veliaj ka reaguar për herë të parë në lidhje me shembjen e teatrit kombëtar.

Përmes një videomesazhi të shpërndarë në rrjetet sociale, Veliaj e ka cilësuar si vendimin më të vështirë, por sipas tij të drejtë dhe se godina e vjetër nuk shkonte me Tiranën që ai ka planifikuar për të ardhmen

Reagimi i Veliajt:

Ndërtimi i Teatrit të ri Kombëtar ishte një vendim i vështirë, por i drejtë! Po aq i drejtë sa çdo vendim i mirë që kemi marrë në këto 5 vite për ta çuar përpara Tiranën tonë, qyteti ku po rrisim fëmijët tanë.

Por, teksa përgatitemi të nisim punën për Teatrin e Ri, i ftoj të gjithë, që nesër, ta bëjmë edhe më të mirë projektin që kemi në tavolinë. Ai teatër do të jetë për artistët dhe qytetarët, për fëmijët tanë.