Shembja e Teatrit/ Reagon komisionerja e BE: Para këtij vendimi, dialog me shoqërinë civile

Pas vendimit të ndërmarrë nga Këshilli Bashkiak në lidhje me shembjen e godinës së Teatrit Kombëtar, ka reaguar komisionerja e Bashkimit Europian MAriya Gabriel.

Përmes një postimi në rrjetin social Twitter, Gabriel shkruan se para se të merret një vendim i pakthyeshëm për këtë pasuri kulturore, duhet që të ketë një dialog të gjerë me ekspertët dhe shoqërinë civile.

“Dialogu me shoqërinë civile dhe ekspertët e trashëgimisë #kulturore është i domosdoshëm përpara se të merrni një vendim të pakthyeshëm në #Nacional Theatre #Tirana.

Ne inkurajojmë fuqimisht të gjitha institucionet përkatëse kombëtare që të përfshihen tani në një dialog konstruktiv për trashëgiminë kulturore” shkruan Gabriel në postimin e saj në Twitter.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkaq, në lidhje me reagimin e komisioneres Gabriel, presidenti Meta ka reaguar sërish në lidhje me vendimin e Teatrit Kombëtar.

Duke shpërndarë postimin që Gabriel ka bërë në Twitter,e cila ngre zërin për mbështetje të Teatrit Kombëtar, Meta shkruan “ Dëgjoni zërin e vërtetë të Europës.”