Shembja e Teatrit/ Meta: Kur isha kryeministër e mbrojta, Rama firmosi

Presidenti Ilir Meta thotë se në vitin 2000 kur ai mbante postin e kryeministrit dha vendimin për mbrojtjen e Teatrit Kombëtar nga shembja, vendim për të cilin thotë se Edi Rama tha fjalët më të mira.

Meta tha se ka video dhe audio nga mbledhja, ku Rama jo vetëm nuk e kundërshtoi vendimin e Metës, por “tha fjalët më të mira”.

“Është vendimi në 13 prill viti 2000, kryeministri Ilir Meta vendosi që kjo çështje kaq e rëndësishme të merret në mbrojtje se Tirana po shkatërrohet. Edi Rama jo vetëm që nuk e kundërshtoi por tha fjalët më të mira. Ashtu sikundër kryeministri Ilir Meta dha vendimin për prishjen e kioskave në kryeqytet”, deklari Meta në një intervistë për gazetarin Çim Peka.