Presidenti Ilir Meta ka dalë përpara pak minutash në një konferencë në lidhje me temën aq shumë të diskutuar ditët e fundit, atë të shembjes së godinës së Teatrit Kombëtar.
Ditë më parë ky truall kaloi me një vendim të Këshillit të Ministrave nga në pronësi të shtetit, në atë të Bashkisë Tiranë.
Kjo gjë ngjalli shumë reagime, madje pati një përplasje dhe të policisë bashkiake më pas me aktivistët në mbrojtje të Teatrit.
Me këto zhvillime, Meta pas padisë që bëri kundër prishjes së godinës, vendositë dalë dhe në një konferencë ku u pyet nga një gazetar nëse do ishte në shesh për të mbrojtur Teatrin.
Ai u përgjigj se ai do të jetë në krye të detyrës së tij si President, në mbrojtje të interesit publik dhe ka paralajmëruar se nëse ka ndonjë person që do të bëjë prova force duhet të ketë parasysh që Kreu i Shtetit mban gjithmonë shënime.
PYETJE: Pavarësisht dy padive në Kushtetuese dhe një në SPAK, ata janë të vendosur ta shembin. A do të dilni ju zoti President në shesh për të mbrojtur Teatrin, ashtu siç dolët për të mbrojtur Kushtetutën?
Meta: Çështja për të cilën unë kam dalë këtu ka një rëndësi të veçantë. Nuk është çështje procedurash por është çështje kushtetuese. Askush nuk mund të fshihet as sot dhe as nesër përpara Kushtetutës. Këta cënojnë një interes të përbashkët për të gjithë shqiptarët. Përsa i takon se ku do të jetë Presidenti, Presidenti është gjithmonë në kryetë detyrës së tij, në mbrojtje të interest public. Ndonjë karagjoz që kërkon të bëjë prova force me Presidentin, duhet të ketë parasysh që Presidenti mban shënime dhe shënon gjithçka. Pa rënë në provokime banale.
