LIGJET E BIZNESIT
Ditën e sotme, ministrja e Arsimit, Sportit dhe Rinisë, Besa Shahini, ka zhvilluar sot një komunikim me Rektorët e universiteteve publike.
Shahini, pas takimit me rektorët, përmes një video live u shpreh se deri më 15 maj do prezantojnë planet e tyre për mbylljen e këtij viti akademik.
Ministrja theksoi se COVID-19 në Shqipëri është drejt përmirësimit, por shtoi se vendi nuk është jashtë rrezikut dhe do të ketë masa të rrepta pë rata që kthehen në fakultet.
“Kemi kërkuar nga universitetet që të planifikojnë se cilat janë ato lëndë që do të mbyllen plotësisht online – pra nuk do të kenë nevojë të kthejnë studentë fare në auditorë apo laboratorë; sa është numri i studentëve që kanë nevojë të kthehen në auditorë e laboratorë per punë të ndryshme para provimeve; dhe sa është numri i saktë i studentëve që do të bëjnë provime gjatë korrikut dhe fillim-gushtit të këtij viti – gjithmonë duke prioritizuar studentët që do të diplomohen.
Pastaj ne, në koordinim me MSHMS bëjmë edhe verifikimet e fundit për të parë nëse po plotësohen kushtet dhe kriteret për ruajtjen e shëndetit të studentëve dhe pedagogëve gjatë kësaj kohe kur duhet të punojnë në objektet e universiteteve”, u shpreh më tej Shahini.
