Rritja e rasteve me COVID-19, Manastirliu: Këto aktivitete nuk do hapen në 1 qershor

Plani për hapjen totale në 1 qershor mbetet I pandryshuar edhe pse në 4 ditët e fundit ka një rritje të ndjeshme të rasteve të zbuluara me COVID-19.

Lajmin e bëri të ditur ministrja e Shëndetësisë, Ogerta Manastirliu, e cila plani do të vazhdojë me hapjen ashtu sic u deklarua në fillimin e javës.

Ministrja theksoi që nga 1 qershori do të lejohet lëvizja në të gjithë territorin e vendit, hapen plazhet. çerdhet, kopshtet dhe kufijtë tokësorë, dhe akvitetet sportive pa tifozë.

Po ashtu edhe ato aktivitete që qendrojnë të mbyllura mbeten të njëjta.

“Nuk duhet harruar se rihapja kërkon vigjilencë individuale. Do vazhdojmë me planin tonë të rihapjes me lirinë e lëvizjes. Do të kërkohet sakrifica individuale. Është vendosur që ne të ndjekim planin e vendosur më herët pavarësisht rritjes së shifrave.

Nga 1 qershori lejohet lëvizja në të gjithë territorin pa asnjë kufizim. Do të hapen çerdhet dhe kopshtet dhe kufijtë tokësore. Mbetet në fuqi karantina 14 ditë. Nga data 1 qershor plazhet do të jenë të hapura me autorizime nga një autoritet i përkohshëm që është ngritur në këtë periudhë. Të gjithë të zbatojnë protokollet që do të bëhen publike

Do lejohen kampionatet sportive pa praninë e publikut. Do të hapen parqet. Po punohet për një plan për transportin publik por deri në miratimin e tij do qëndrojnë të mbyllura. Do qëndrojnë të mbyllura aktivitetet kulturore, kinematë, teatrot, palestrat dhe clubet”, tha Manastirliu.