LIGJET E BIZNESIT
Masat e marra nga qeveria për frenimin e përhapjes së COVID19 së bashku me gjendjen e fatkeqësisë natyrore, sipas ish-deputetit të Partisë Demokratike Oerd Bylykbashi tashmë janë antikushtetuese.
Bylykbashi thekson se ato nuk kanë më vlerë sepse Parlamenti nuk mund ta zgjaste gjendjen e fatkeqësisë natyrore më shumë se një muaj pa një vendim të ri.
Ndër të tjera ai këshillon qytetarët shqiptarë që të refuzojnë distancimin social, që nënkupton se në ambientet publike personat duhet të qëndrojnë të paktën 1.5 m larg njëri-tjetrit.
REAGIMI I PLOTE I ISH-DEPUTETIT OERD BYLYKBASHI
Rimerrni te drejtat tuaja!
Qe nga e diela sotme e Fiter Bajramit, “gjendja e fatkeqesise natyrore” dhe masat e jashtezakonshme te Kryeministrit Edi Rama jane ANTIKUSHTETUESE. Mbajtja e ketyre masave pertej 23 majit nuk ka vlere kushtetuese sepse Parlamenti nuk mund ta zgjaste gjendjen e fatkeqesise natyrore me shume se nje muaj pa nje vendim te ri.
Kufizimi i LIRISE SE LEVIZJES se shqiptareve dhe te gjitha lirive te tjera nga Kryeministri Rama, qe nga dita e sotme 24 maj, e ne vazhdim eshte antikushtetues.
Qeveria duhej te kerkonte shtyrje te re 30 ditore me 23 maj, te raportonte ne Parlament per masat e ndermarra nga 24 prilli deri me 23 maj, te deshmonte sa efikase ishin ato dhe pse duhej zgjatur edhe me 30 dite te tjera gjendja e fatkeqesise natyrore dhe kufizimi i lirive. Kjo eshte arsyeja e afatit kushtetues 30 ditor, llogaridhenia e qeverise dhe jo tekat e Rames ne 22.00 te nates ne Facebook. Parlamenti ka detyrimin qe t’ju mbroje te drejtat nga qeveria por harrojeni qe ky Parlament si shtupe lecke ne duart e Edi Rames t’ju mbroje.
Statistikat e Covid 19 nuk justifikojne rrembimin dhe dhunimin e te drejtave tuaja nga Edi Rama.
Qytetare, refuzoni qe “distancimi social” i neuroneve te Kryeministrit dhe pamundesia e tyre per t’u takuar me njeri-tjetrin ne mendime logjike e racionale ne interesin tuaj, te dhunoje LIRINE TUAJ TE LEVIZJES! Rimerrni te drejtat dhe lirite tuaja!
