Më 3 qershor Komisioni i Posaçëm i Kualifikimit rinis punën. Ndërkaq seanca e parë pas pandemisë do të zhvillohet me gjyqtaren e apelit Tiranë Shpresa Beqaj.
Seanca do të zhvillohet te ish-Pallati i Kongreseve dhe trupa gjykuese do të përbëhet nga Suela Zhegu, Roland Ilia dhe Lulzim Hamitaj. Kështu, Komisioni i Pavarur i Kualifikimit e nis punën pas më shumë se 2 muaj ndërprerje.
Seanca do të zhvillohen bazuar në protokollet e sigurisë. Përpara se të hyjë në institucion çdo punonjësi dhe anëtari të Komisionit do ti matet së pari temperatura para se të futet në zyrë apo ambientet e KPK-s. Po kështu stafit të KPK-s përfshi dhe komisionerëve u kërkohet të respektojnë distancimin shoqëror prej dy metra.
