Do të rinisin protestat kombëtare. Ky ishte lajmi që dha kryetari i PD, Lulzim Basha në komunikimin me mediet pas mbledhjes që mbajti me aleatët në selinë blu.
Basha tha se kjo që ndodhi sot në mëngjes ishte akti i fundit që nis largimin e kryeministrit Rama nga pushteti. Basha tha ndër të tjera se sapo PD të vijë në pushtet do të resturohet teatri.
“Kemi marrë vendim të Nisim protestat mbarëpopullore. Do restaurojmë teatrin në formën siç ishte sapo të vijmë në pushtet. Stacioni ynë final është që zemërimin që e ndjejmë të gjithë në shpirtrat tanë, ta cojme deri në shporrjen e këtij krimineli dhe regjimi. Do i bëjmë thirrje të gjithë qytetarëve te na bashkohen ne protesta masive me efekt të menjehërshm”, tha Basha ndër të tjera.
