Ambasadori i BE, Luigi Soreca i bëri thirrje opozitës që të ulet në tryezën e Këshillit Politik. Ndërsa, pas kësaj thirrjeje, Lulzim Basha u shpreh se PD nuk ka refuzuar të ulet në këtë tryezë.
“Gënjeshtra, nuk jemi larguar kurrë nga tryeza, qeverisë i ka munguar vullneti të shprehet për propozimet tona. Ne kemi çuar propozime atje. Kemi gati propozime të tjera dhe nëse qeveria është e sinqertë s’ka pse të presë javën tjetër. Jemi gati që nesër të vazhdojmë me tryezën për të përfunduar një orë e më parë reformën dhe për ti dhënë shqiptarëve një qeveri legjitime.”, ka pohuar Basha.
Ndërsa, Damian Gjiknuri dhe Rudina Hajdari prezantuan online para Komisionit të Reformës Zgjedhore punën që Këshilli Politik ka bërë deri më tani.
Por, Gjiknuri i dërgoi një mesazh PD, se nëse duan të tërhiqen në këtë moment, mazhoranca do ta miratojë reformën, pasi kjo çështje sipas tij nuk duhet të zvarritet më. Por pakica parlamentare nuk tërhiqet nga ndryshimi i sistsemit zgjedhor.
