Rama kërkon tryezë me Bashën dhe Metën: Të ulemi për integrimin

Kryeministri Rama nga “Shtëpia e Europës”, ku ishte me rastin e 9 majit ka folur edhe për procesin e ingetrimit të Shqipërisë në familjen europian, BE.

Rama tha se është i gatshëm të ulet në një tryezë të përbashkët me Presidentin dhe kreun e Opozitës që të diskutojnë këndvështrimet e ndryshime për ti dhënë mundësinë vendit që të ecë më shpejt.

Kryeministri Rama se bën këtë ftesë për t’i ulur dhe askush të mos vërë asnjë kusht.

“Ne po përgatitemi për të vijuar me integrimin. Falenderoj miqtë tanë në Bruksel që po na qendrojnë pranë në eksperiencën e negocimit të anëtarësimit. Tashmë që negociatat janë hapur dhe kërkohet përgatitje, po ju them që plani i punës është detajuar për muajt në vijim. Qeveria mban peshën kryesore por këtu duhen të gjithë aktorët të kontribuojnë, ne kemi vullnet të ulemi në një tyrezë me Presidentin e Republikës, kryetarin e opzitës dhe përfaqësues të institucioneve të pavarura.

Le të jetë kjo tryezë ku do të shprehim vullnetin e përbashkët, ku secili të bjë detyrat e veta, pa iu imponuar tjetrit por për të dhënë edhe një mesazh të fortë të unitetit kombëtar. Në këtë proces që të gjithë e duam integrimin e Shqipërisë në BE. Jemi gati të ulemi me Presidentin, opozitën parlamentare dhe jashtëparlamentare, të mundemi të japim një kontribut të gjithë”, tha Rama.